ABISSNET SUPERIORE, LIVE ne MCN TV

Futbolli shqiptar për 3 sezonet e ardhshme do të transmetohet LIVE dhe ekskluzivisht në MCN TV.

Pas arritjes së marrëveshjes mes MCN TV dhe Federatës Shqiptare të Futbollit, palët kanë zyrtarizuar edhe një bashkëpunim të tillë që nis që këtë fundjavë me takimet e javës së parë.

Abissnet Superiore, Final Four, rrjedhë e formatit të ri, Kategoria e Parë, Kupa e Shqipërisë, dhe finalja e Superkupës, për tre sezone do të vijnë LIVE në MCN TV.

Pas një mbulimi të suksesshëm me sfidat në kupat e Europës që ende vijojnë dhe gjejnë hapësirë transmetimi në MCN, emitenti tv arriti edhe marrëveshjen me FSHF, e cila u miratua edhe në KE të FSHF-së.

Presidenti i MCN TV, Endri Meksi, dhe sekretari i Përgjithshëm i FSHF, Ilir Shulku, nënshkruan sot edhe kontratën përkatëse të bashkëpunimit trevjeçar për transmetimin e garave të futbollit shqiptar.

Dhe nis menjëherë shumë shpejt, që këtë të shtunë me dy sfidat e para, Egnatia vs Skënderbeu në orën 17.00 dhe Vllaznia vs Kukësi në orën 20.00, ndeshje që do të vijnë në ekranin tonë, por edhe do të gjejnë terrenin e analizës teknike e taktike në emisionin SkanerSuperiore të gazetarit Gerti Çarçani, duke nisur nga kjo e shtunë e 26/8, në orën 16.00.